لــــــن يرحـــل.....

اليوم كنت في التجمع اللي سمعت عنه وقريت عنه بالمدونات حمله ارحل نستحق الافضل، وصراحه انصدمت اول شي بعدد الحضور اللي ما يتجاوز 100 بما فيهم الصحافه والاعلام.... يعني 80 شخص بيغيرون البلد ويتكلمون بلسان اهل الكويت ... 80 شخص يلعبون بمصير البلد.. 80 شخص يسممون عقول الشباب .. ويمثلون شعب الكويت من خلال حمله ارحل ... لا والله انتوا تمثلون مصالحكم وبس؟؟؟ الله واكبر تجمع 80 واحد يبون يشيلون الرئيس ....80 واحد يصفقون ويطبلون لحمله ارحل بصراحه توقعت اني راح اشوف كل اهل الكويت تساندكم ..كل اللي شفتهم مصورين وحريم من اهلكم يايين يصفقون ويطبلون وياكم على منو تقصون انتوا... اصحوا يا عالم خربتوا البلد ... بس كافي عليكم لهني.. وين بتودونا بعد ... شنو بتعلمون عيالنا ... سب وشتم وتطاول على الحكومه. كنت اعتقد انكم تنادون بشي يغير للافضل وكنت على وشك اصدق وكانت روحتي للتجمع على هالاساس .... بس اذهلني المستوى اللغوي من مفردات لا تليق بناس تمثل البلد... بناس تتكلم عن الاصلاح .. بذمتكم هذي كلمات بتغيرون فيها البلد؟؟؟ غبي بليد، خسئت، صاحب التقهر .... الخ هذي كلمات تخاطبون فيها انتو الـ 80 شخص تخاطبون الامه؟؟ باجتماعكم هذا اثبتوا للامه منو انتوا.. وان اهدافكم تخريب البلد وانقسامها وبس..اسلوب سب وشتم وقذف .. اسلوب رخيص يليق فيكم... والناس اللي وقفت بالشارع وتقول ارحل هم اللي بيرحلون اذا مو عاجبتهم الحكومه ... يروحون يشوفون لهم ديره ثانيه يمارسون شتمهم فيها .. اليوم تطاولتوا على رئيس الحكومه ياترى باجر الدور على منو ؟؟؟ وين هيبه البلد.. وين احترام الشعب . اذا رئيس الحكومه ماله هيبه عندكم وانسب عيل الفقير المسكين راح فيها . كلكم تستحقون دكتواره باللعب على العقول ولكن بدون مرتبه الشرف. فشلتوا وفشل تجمعكم وفشلت خطتكم ... ارجع واقول اللي مو عاجبته الحكومه يـــــــــــــــــــرحل ... واقول لكم بعد ارحلـــــوا انتوا ما تشرفونا .


من علامات يوم القيامه تطاول الحفاة الرعاة بالعمران والبنيان.